【電影宅．急便】嚴選2016年8部必看佳作！

文：方川明 （影評人）

1. 《天堂無門》 Son of Saul

（在港上映日期：3月3日）

《天堂無門》係一部恐怖片，而且很大機會被影評界捧上神壇。這部戲可說達到形式同內容嘅一致：全片鏡頭一直尾隨主角Saul，我哋就用Saul嘅視野看世界，跟住佢穿梭匃牙利二戰集中營，仿如置身其景。Saul到底有無兒子不是重點，重點係：槍口之下，被逼當做納粹清屍隊的匈牙利猶太人Saul，感到自己係民族共犯，而呢種不可被寬恕嘅感覺，比死更難受。

2. 《卡露的情人》 Carol

（在港上映日期：2月11日）

導演Todd Haynes——New Queer電影旗手之一。當另一位New Queer導演Gus Van Sant近年無乜佳作之際，Todd毫不令人失望交出傑作Carol。電影有一種好獨特嘅舊式菲林質感，就好似表達緊兩位主角之間嘅矇朧情感，一種帶點脫色嘅感覺，既華麗但又有一絲不確定性；而呢種獨特嘅質感，亦塑造到50年代初期嘅美國氛圍。兩位女主角亦演得好細膩，兩人喺百貨公司初相遇令人印象深刻，到底Carol係咪刻意勾引Therese（遺留落嚟嘅手套係魚餌），我諗我要重睇，但可能瞹昧就是美。

之後排名不分先後：

3. 《路邊野餐》Kaili Blues

（按：參與香港國際電影節及特別放映場）

《路邊野餐》是內地新晉導演畢贛的處女作。看完《路》後令我感到驚訝，我原以為內地獨立電影頂多就是《十七歲的單車》或賈樟柯的早期作品，沒想到內地可以出產一部像《路》這樣充滿詩意的電影，就如塔可夫斯基的影像詩，電影有大量意識流長鏡頭、夢囈般的奇幻影像，顛倒地表達內地的鄉村生活。儘管電影有很多缺點，例如主角換衫時咪線乍現等，但不得不佩服製作團隊的勇氣。

4. 《胡莉糊濤》 Julieta

（在港上映日期：9月15日）

艾慕杜華繼《浮花》之後再講女人經。應該無男人比艾生更明白女人，電影裡嘅母女關係，既互相仇恨，又互相憐息，令人窒息嘅虐戀電影。

 

5. 《禁室殺戮》 Don’t Breathe

（在港上映日期：10月6日）

《Evil Dead》 Remake版導演Fede Alvarvez嘅新作。《Don’t Breathe》恰恰同血肉橫飛嘅Evil Dead相反，唔再玩暴力、怪力亂神，基本上一洗荷里活傳統恐怖片裡常見嘅很黃很暴力元素，只靠視覺效果表達屋內困獸鬥嘅張力。導演刻意咁做，係因為有人投訴佢喺《Evil Dead》只識玩血漿。而透過Don’t Breathe，証明左Fede真係有一定嘅視覺敘事功力，係值得留意嘅新晉影人。值得一提嘅係，Don’t Breathe嘅製作好細心，呢點係好多荷里活製作、同埋港產片都無。比如說電影中盲人果樽「珍貴豆漿」closeup有條（恥）毛，小小細節就令盲人呢個角色變得好具體（睇過明我嗡乜）。

 

6. 《真·哥斯拉》 Shin Godzilla

（在港上映日期：8月25日）

庵野忠實咁還原哥斯拉。哥斯拉電影系列曾經變成怪獸對打電影，但大家不能忘記，元祖第一部哥斯拉係政治電影，暗喻二戰後日本社會同美軍核彈問題。今次庵野有意將哥斯拉變返政治電影，透過大怪獸哥斯拉嘅侵略，側面描寫美日現實關係、日本內政同福島核子滲透問題，絕對係一次好好嘅新嘗試。

7. 《回春》 Youth

（在港上映日期：3月17日）

8. 《100円的愛》

（在港上映日期：1月7日）

小編PL：《100円的愛》被奉為女版《激戰》，不過並唔係好狗血嘅勵志故事。電影嘅主角一子（安藤櫻 飾）又肥又無業，逼於無奈去100円店打工，邂逅潦倒拳手，仲愛上埋打拳。簡單來說，就係一堆loser的故事。電影中嘅其他角色－便利店員、夜晚拎剩菜嘅乞丐，都係一班只值100円的邊緣人。愛情同拳擊兩條主線底下，電影忠實地呈現日本底下階層的真實生活，令觀眾窺看到秩序井然背後、另一面的日本。冇過火嘅說教，結局一子仲係打輸咗，《100円的愛》喺一堆口裡成日講幸福、夢想、賣弄熱血、極度唔貼近現實的日劇、日本電影之中，都算係一般暖流。